Cyfathrebu Digidol

Ewch ati i greu tudalen gwybodaeth am fynediad sy’n rhoi gwybodaeth glir ac ymarferol mewn amrywiaeth o fformatau er mwyn helpu pobl i ddeall hygyrchedd eich lleoliad neu eich digwyddiad.

Darparwch ganllawiau fideo a chanllawiau gweledol hygyrch sy’n bodloni anghenion a dewisiadau eich cynulleidfa, yn helpu pobl i ddeall beth i’w ddisgwyl yn eich lleoliad neu’ch digwyddiad ac yn dangos sut bydd eu hanghenion mynediad yn cael eu bodloni.

Cyfleu eich gwybodaeth hygyrchedd yn glir a darparu amrywiaeth o ffyrdd hygyrch o gysylltu â chi

Defnyddiwch iaith syml i wneud gwybodaeth yn hawdd ei deall, er mwyn i fwy o bobl allu darllen, defnyddio a gweithredu ar yr wybodaeth yn hyderus. Gwiriwch eich cynnwys i wneud yn siŵr ei bod yn ddarllenadwy.

Dylech ystyried hygyrchedd wrth wneud dewisiadau am liw ac osgoi dibynnu ar liwiau’n unig neu ddefnyddio cyfuniadau lliw heb gyferbyniad da i gyfleu gwybodaeth. Gwiriwch eich dewisiadau lliw i sicrhau eu bod yn gweithio i bawb.

Dylech wneud lluniau’n hygyrch drwy ddefnyddio testun amgen a disgrifiadau o’r lluniau sy’n disgrifio beth mae’r llun yn ei ddangos neu’n ei olygu.

Ystyriwch sut rydych chi’n defnyddio gosodiadau a throshaenau hygyrchedd er mwyn caniatáu i ymwelwyr â’ch gwefan addasu sut mae eich gwefan yn edrych neu’n gweithio i fodloni eu hanghenion.

Ychwanegwch gapsiynau, disgrifiadau sain, iaith arwyddion a thrawsgrifiadau at eich fideos er mwyn i fwy o bobl allu gwylio, gwrando a darllen yn y ffordd sy’n gweithio orau iddyn nhw.

Defnyddiwch chwaraewyr fideo hygyrch fel bod gan eich fideo fotymau a rheolyddion hygyrch, a’u bod yn gweithio’n dda gyda bysellfyrddau a darllenwyr sgrin.

Dylech ddarparu testun dolen disgrifiadol sy’n dweud wrth bobl ble mae’r ddolen yn mynd neu beth fydd y ddolen yn ei wneud.

Crëwch fotymau sy’n edrych fel botymau, sy’n ddigon mawr i bobl eu defnyddio ac sy’n dweud wrth bobl beth fydd yn digwydd pan fyddant yn clicio arnynt.

Darparwch ddangosyddion ffocws hygyrch sy’n helpu pobl i adnabod dolenni’n weledol ac i wybod lle maen nhw ar dudalen, er enghraifft wrth ddefnyddio bysellfwrdd i lywio ar wefan.

Ewch ati i greu codau QR sydd wedi’u labelu’n glir ac sy’n cael eu cefnogi gan fformatau gwybodaeth hygyrch eraill. Dylech ystyried defnyddio adnoddau codau QR hygyrch i wella hygyrchedd.

Creu ffurflenni sy’n hawdd eu deall, eu cwblhau a’u cyflwyno.

Crëwch arolygon mewn ffyrdd sy’n hawdd eu deall a’u llenwi.

Dylech rannu gwybodaeth am hygyrchedd seddi mewn ffordd glir a hygyrch fel bod pobl yn gallu dewis lle maen nhw’n eistedd mewn ffordd sy’n gweithio iddyn nhw.

Dylech ddarparu lluniau hygyrch sy’n dangos yr olygfa o’r sedd i helpu pobl i ddeall beth fyddan nhw’n ei weld o sedd neu safle penodol.

Dylech ddarparu ffyrdd eraill o oedi, ymestyn neu ddiffodd terfynau amser ar gyfer prosesau ar-lein fel archebu tocynnau er mwyn i bobl allu dewis gwneud hyn os nad yw terfynau amser yn hygyrch iddyn nhw. Cofiwch ddarparu ffyrdd eraill o archebu os nad yw hyn yn ymarferol.

Dylech gyflwyno rhestrau o ddigwyddiadau, gan gynnwys dyddiadau ac amseroedd mewn ffordd glir a hygyrch fel bod pobl yn gallu gweld beth sydd ymlaen, hidlo’r canlyniadau ac archebu tocynnau’n rhwydd yn defnyddio amrywiaeth o ddyfeisiau a thechnoleg gynorthwyol.

Defnyddiwch eiconau neu symbolau syml, hygyrch a chyson sy’n hawdd eu hadnabod ac sy’n cyfleu gwybodaeth yn gyflym i gefnogi testun ac i helpu pobl i ddeall gwybodaeth.

Crëwch e-byst a chylchlythyrau sydd yn glir, yn hygyrch ac yn hawdd i’w defnyddio gyda chynlluniau darllenadwy, dolenni disgrifiadol, testun amgen ar gyfer lluniau, ac opsiynau fformatau eraill.

Dylech greu cynnwys mor hygyrch â phosibl ar gyfer y cyfryngau cymdeithasol, gyda disgrifiadau o luniau, capsiynau a thestun darllenadwy.

Dylech sicrhau bod fformatau safonol o wybodaeth y gellir eu lawrlwytho mor hygyrch a phosibl, gan fformatio, defnyddio iaith syml ac elfennau eraill. Darparwch amrywiaeth o opsiynau i’w lawrlwytho.

Darparu gwybodaeth mewn amrywiaeth o fformatau fel Hawdd ei Ddeall er mwyn i bobl allu cael gafael ar eich cynnwys a’i ddeall mewn ffordd sy’n gweithio iddyn nhw.

Mae ychwanegu gwasanaeth cyfieithu neu ddehongli Iaith Arwyddion ar eich gwefan, cyfryngau cymdeithasol, neu gynnwys digidol yn gwneud eich cyfathrebiadau digidol yn gynhwysol o ddefnyddwyr iaith arwyddion.

Dylech wneud digwyddiadau rhithiol a ffrydiau byw yn hygyrch drwy gynnig capsiynau, Iaith Arwyddion Prydain, disgrifiadau sain a chyfarwyddiadau ymuno clir.

Gwnewch brofiadau ymgolli, Realiti Ymestynnol (XR), Realiti Rhithwir (VR), a Realiti Estynedig (AR) yn hygyrch drwy gynnig fformatau eraill, a ffyrdd gwahanol o gymryd rhan.

Dylech hyfforddi staff i ddeall beth yw hygyrchedd digidol, a sut maen nhw’n defnyddio hygyrchedd digidolyn eu rôl, er mwyn iddyn nhw allu creu cynnwys a phrofiadau hygyrch.

Cynnwys hygyrchedd ym mhob cam gan gynnwys y broses ddethol a gweithio gydag asiantaethau, datblygwyr a chyflenwyr.

Canllawiau Hygyrchedd Cynnwys y We (WCAG) yw’r safon ryngwladol ar gyfer hygyrchedd digidol.

Mae cynnal archwiliadau rheolaidd yn helpu i nodi rhwystrau, cefnogi dyluniad cynhwysol, cydymffurfio â’r gyfraith a chynnal cylch o welliannau parhaus.

Mae datganiad hygyrchedd yn egluro pa mor hygyrch yw eich gwefan, pa rwystrau sy’n bodoli, a sut gall pobl gael cymorth neu ofyn am wybodaeth mewn fformatau eraill.

Gall timau cynnwys ddefnyddio dull cyson gyda chanllawiau arddull sy’n cynnwys ffyrdd o sicrhau bod cynnwys yn cael ei ddiweddaru’n hygyrch.