Cymorth a Sgiliau
Useful Links
Mae All In yn cynnig cymorth ymarferol i’ch helpu i ymwreiddio mynediad a chynhwysiant ar draws eich sefydliad.
Mae tanysgrifiad All In yn rhoi mynediad i chi at becyn sy’n tyfu o gymorth ac adnoddau. Byddwch yn datblygu’r wybodaeth a’r sgiliau i roi’r Safonau All In ar waith.
Mae hyn yn cynnwys:
- Cymorth un i un gyda’n Harbenigwyr Mynediad
- Gweminarau rhagarweiniol byw i ddod â’r Safonau yn fyw
- Fideos byr â chamau allweddol i gychwyn arni
- Erthyglau cynorthwyol â phwyslais ymarferol
- Cyngor da a thempledi i roi mynediad ar waith
- Cyfeiriadau at arbenigwyr yn seiliedig ar eich anghenion
I’n tanysgrifwyr Essentials a Plus, mae ein Harbenigwyr Mynediad pwrpasol wrth law i ateb eich cwestiynau a’ch helpu i gynllunio eich camau nesaf.
Meet the Access Specialists
Ruby Ferguson
Arbenigwr Mynediad, All In
Rwy’n Arbenigwr Mynediad yn Nhîm All In, gan ganolbwyntio ar Gyfathrebu Digidol. Rwy’n rhannu gwybodaeth, sgiliau ac adnoddau i sefydliadau sydd wedi tanysgrifio, a chefnogi eu taith i fod yn fwy hygyrch a chynhwysol.
Yn flaenorol, bûm yn gweithio yn Nhîm Cymorth Mynediad Cyngor Celfyddydau Lloegr, yn helpu cannoedd o artistiaid anabl gydag anghenion amrywiol i gael mynediad at y broses ariannu. Yma, darganfyddais fy angerdd dros hygyrchedd wrth archwilio fy niwrowahaniaeth fy hun.
Fel Swyddog Cymorth Cyntaf Iechyd Meddwl hyfforddedig, rwyf hefyd yn awyddus i wneud fy rhan i gael gwared ar y stigma sy’n ymwneud ag iechyd meddwl.
Mae ymgysylltu yn y celfyddydau a diwylliant yn cyfoethogi bywydau pobl. Rwy’n credu y dylai pawb gael y cyfle i gymryd rhan yn y profiadau hyn.
Rwyf hefyd yn artist gweledol. Ochr yn ochr â fy ngwaith gydag All In, byddaf yn cynllunio prosiectau gyda fy nghyfoedion stiwdio yn yfed yn ddamweiniol o jariau paent wrth weithio ar fy narn o waith diweddaraf.
Lilit Movsisyan
Arbenigwr Mynediad, All In
Fel Arbenigwr Mynediad i All In, rwy’n cefnogi sefydliadau sydd wedi tanysgrifio i greu amgylcheddau cynhwysol i ymwelwyr, artistiaid a gweithwyr. Rwy’n rhannu adnoddau a rhaglenni dysgu i’ch cefnogi ar eich taith i gyflawni Safonau All In. Fy maes arbenigol yw’r Amgylchedd Adeiledig.
Rwyf wedi bod yn gweithio ym maes anabledd a niwrowahaniaeth ers 2019, yn helpu sefydliadau i ddiddymu rhwystrau drwy arfer gorau.
Fel rhywun sydd wedi colli aelod o fy nghorff a cherddor, rwyf wedi teimlo’n siomedig yn aml pan fydd mynediad i artistiaid yn cael ei esgeuluso. Ac rwy’n gwybod o brofiad, pan fydd ceisio cynllunio diwrnod allan llawn hwyl yn golygu cymaint o ymdrech a straen, fel fy mod wedi penderfynu peidio â mynd. Rwyf hefyd yn ymwybodol o Covid (rwy’n parhau i wisgo mwgwd!) ac yn edrych ymlaen at godi disgwyliadau fel y gallwn ni i gyd gymryd rhan mewn profiadau diwylliannol.
Ar wahân i chwarae’r ffidil a mwynhau cerddoriaeth fwy, rwy’n mwynhau mynd ar fy meic wedi’i addasu mewn parciau a mwynhau natur.