Datganiad Hygyrchedd

Ein hymrwymiad i hygyrchedd

Yn All In, rydym eisiau i bawb allu defnyddio a mwynhau ein gwefan yn hawdd. Isod, fe welwch wybodaeth am sut rydym wedi dylunio’r wefan i fod yn hygyrch i bawb, gan gynnwys defnyddwyr ag anableddau.

Ein nod yw sicrhau bod ein gwefan ar gael i’w defnyddio gan gymaint o bobl â phosib, sy’n golygu y dylech chi allu:

Defnyddio’r rhan fwyaf o’r wefan gan ddefnyddio bysellfwrdd yn unig.
Defnyddio meddalwedd adnabod llais i ryngweithio â’r wefan.
Gwrando ar y rhan fwyaf o’r cynnwys gan ddefnyddio darllenydd sgrin (JAWS, NVDA, neu VoiceOver).

Yn ogystal, rydym yn ceisio sicrhau ein bod yn ysgrifennu mor glir a syml ag sy’n bosib. Os oes arnoch chi angen cyngor ar sut i wneud eich dyfais yn haws i’w defnyddio, mae AbilityNet yn cynnig adnoddau defnyddiol.

Problemau ar ein gwefan ar hyn o bryd:

Wrth agor dolen mewn tab newydd does dim neges glir i ddweud bod hynny’n digwydd. Rydyn ni’n gweithio ar ychwanegu testun pwrpasol.
Dydi negeseuon gwall ar ffurflenni ddim yn egluro beth aeth o’i le na sut i’w drwsio. Rydyn ni’n gweithio ar gywiro’r geiriad ar hyn o bryd.
Mae darllenyddion sgrin yn methu darllen y fersiwn Gymraeg o’r cynnwys hwn, oherwydd cyfyngiadau yn y dechnoleg ar hyn o bryd.
Mae’n gallu bod yn anodd llywio fideos Vimeo ar ein gwefan trwy’r bysellfwrdd. Rydyn ni’n edrych ar opsiynau eraill i ddangos ein fideos.
Wrth ddefnyddio bysellfwrdd, mae’n rhaid tabio trwy’r dudalen gyfan cyn cyrraedd y faner caniatáu cwcis. Rydym yn gweithio symud hon i’r safle cyntaf yn nhrefn y tabiau.

Adborth:

Rydym yn croesawu adborth ar ein gwefan. Os cewch unrhyw broblemau gyda’n gwefan neu os oes gennych awgrymiadau ar gyfer gwella, cysylltwch â ni.

Beth rydym wedi’i wneud i helpu hygyrchedd:

Er mwyn cyrraedd lefel uchel o hygyrchedd, rydym yn gweithio’n galed gyda’n partneriaid Accessible by Design i ddilyn y canllawiau hygyrchedd rhyngwladol a osodwyd gan Gonsortiwm y We Fyd-eang (W3C WCAG 2).

Yn ogystal, gan mai dim ond un rhan o fesur hygyrchedd yw dilyn y canllawiau, rydym yn gweithio gyda defnyddwyr go iawn i ddarganfod sut y bydd pobl yn defnyddio ein gwefan, a beth arall allwn ni ei wneud i’w gwneud hi’n haws ei defnyddio.

Mae cael adborth gan ein defnyddwyr yn flaenoriaeth uchel i ni ac mae’n rhan hanfodol o’n strategaeth ddigidol.

Nodweddion hygyrchedd:

Neidio at y Cynnwys: Mae dolen “Neidio at y Cynnwys” ar gael fel y gall defnyddwyr darllenydd sgrin a bysellfwrdd fynd at y prif gynnwys yn gyflym.
Opsiynau Modd Lliw: Cewch ddewis rhwng profiadau lliw Llachar neu Dawel, yn ôl eich dymuniad.
Newid maint Testun: Gallwch newid maint y testun gan ddefnyddio ein bar offer hygyrchedd (mwy o fanylion isod).
Mynediad Cyflym at Gynnwys BSL: Mae dolen uniongyrchol at gynnwys yn Iaith Arwyddion Prydain (BSL) ar gael yn y gornel dde uchaf ar unrhyw dudalen sydd â fersiwn BSL.
Dolenni Clir: Mae pob un o’n dolenni wedi’u hysgrifennu i wneud synnwyr, hyd yn oed os ydych chi’n eu darllen allan o’u cyd-destun.
Dewisiadau testun: Lle bynnag y defnyddiwn fideo neu sain, gellir dewis gweld y cynnwys ar ffurf testun.
Rolau ARIA: Rydym wedi integreiddio rolau ARIA i helpu darllenwyr sgrin i ddeall a llywio ein cynnwys.

Dyma nodweddion eraill pwysig:

Mae’r wefan yn gweithio’n dda gyda bysellfwrdd.
Mae patrwm y wefan yn hyblyg ac mae’r hyn a welwch yn parhau’n gymesur wrth ichi chwyddo i mewn neu allan.
Mae’r cynnwys wedi’i strwythuro’n dda ac yn hawdd ei ddarllen, gyda phenawdau clir a digon o le gwyn.
Mae’r llywio yn gyson, felly mae bob amser yn hawdd dod o hyd i’r hyn rydych chi’n chwilio amdano.
Mae cyferbyniad uchel rhwng ein lliwiau, fel ei bod yn haws darllen.

Gallwch addasu gosodiadau eich porwr hefyd i gynyddu maint y testun ar draws pob gwefan. Mae gan AbilityNet ganllawiau gwych yma i’ch helpu i wneud eich dyfais yn haws i’w defnyddio.

Fersiwn Hawdd ei Ddeall:

Rydym yn cynnig fersiynau Hawdd eu Deall o dudalennau allweddol:

Statws Cydymffurfiaeth:

Mae ein gwefan yn dilyn canllawiau WCAG 2.2 yn rhannol. Mae gwaith gwella ar y gweill, gan gynnwys:

Arwydd clir bod dolenni’n agor mewn ffenestr newydd: WCAG 2.1.4 Pwrpas Dolen (Mewn Cyd-destun) (Lefel A) a WCAG 3.2.5 Newid ar Gais (Lefel AAA)
Darllenwyr sgrin a’r Gymraeg: WCAG 3.1.2 Iaith Rhannau (Lefel AA)
Rheoli fideos Vimeo: WCAG 2.4.3 Trefn Ffocysu (Lefel A)
Negeseuon gwall ar ffurflenni: WCAG 3.3.1 Enwi Gwall (Lefel A) a WCAG 3.3.3 Awgrymu Gwall (Lefel AA)
Trefn ffocysu bysellfwrdd baneri cwcis: WCAG 2.4.3 Trefn Ffocysu (Lefel A)

Paratoi’r datganiad hwn:

Paratowyd y datganiad hwn yn wreiddiol ar 16 Ionawr 2025. Ar hyn o bryd rydym ar ganol archwiliad llawn a chaiff y datganiad hwn ei ddiweddaru o fewn y chwe mis nesaf.