Cwrdd â’r Tîm

Fi yw rheolwr prosiect All In, ac rwy’n lwcus iawn oherwydd mae fy swydd yn ymwneud â phob agwedd bron o All In, o’r gwaith o ddatblygu’r platfform i greu’r safonau. Rwyf bob amser yn brysur yn helpu i wneud cynlluniau ar gyfer y prosiect ac rwy’n trafod gyda’n cyflenwyr er mwyn alinio amserlenni a chadw pethau ar y trywydd cywir.

Mae fy mhrofiad blaenorol yn cynnwys bod yn Hyrwyddwr Technoleg Hygyrchedd Digidol i’r Rhwydwaith Diwylliant Digidol.

Mae All In yn uchelgeisiol ac mae’n cael ei adeiladu er mwyn chwalu pob mathau o rwystrau, ac rwy’n gallu cyfrannu fy mhrofiadau fy hun o ddiffyg cwsg cronig, Dyslecsia a hyper ffocws, i helpu i hysbysu’r cam adeiladu. Mae gennym hefyd lawer o brofiad bywyd yn y tîm ac rydym yn gwrando ac yn siarad gyda chymaint o bobl â phosibl.

Y tu allan i All In rwy’n mwynhau sioeau theatr, chwarae gyda fy nghŵn, neu wneud rhywbeth celfydd neu grefftus. Rwyf wrth fy modd yn dysgu pethau newydd a rhoi cynnig ar hobïau gwahanol!

Byddaf yn gofalu am danysgrifwyr yn Lloegr: yn eu helpu i sefydlu ar All In a gwneud y defnydd gorau o’r platfform.

Rwyf wedi gweithio ar draws y sectorau theatr, teithio, amgueddfeydd a threftadaeth. Fy ysgogiad erioed fu creu profiadau diwylliannol anhygoel sy’n wirioneddol hygyrch i bawb.

Rwyf yn niwrowahanol ac yn byw gyda Blinder Cronig Covid Hir. Bydd All In yn newid byd i mi fel aelod o’r gynulleidfa a bydd yn golygu y gallaf i a fy ffrindiau, teulu a chyfoedion anabl gael y wybodaeth sydd ei hangen arnom i allu cael mynediad at y digwyddiadau diwylliannol sy’n golygu cymaint i ni.

Ar y penwythnosau rwyf fel arfer yn prynu llawer gormod o edafedd gwlân. Weithiau byddaf yn dod o hyd i amser i’w ddefnyddio ar gyfer rhywfaint o waith crosio.

Rwy’n Arbenigwr Mynediad yn Nhîm All In, gan ganolbwyntio ar Gyfathrebu Digidol. Rwy’n rhannu gwybodaeth, sgiliau ac adnoddau i sefydliadau sydd wedi tanysgrifio, a chefnogi eu taith i fod yn fwy hygyrch a chynhwysol.

Yn flaenorol, bûm yn gweithio yn Nhîm Cymorth Mynediad Cyngor Celfyddydau Lloegr, yn helpu cannoedd o artistiaid anabl gydag anghenion amrywiol i gael mynediad at y broses ariannu. Yma, darganfyddais fy angerdd dros hygyrchedd wrth archwilio fy niwrowahaniaeth fy hun.

Fel Swyddog Cymorth Cyntaf Iechyd Meddwl hyfforddedig, rwyf hefyd yn awyddus i wneud fy rhan i gael gwared ar y stigma sy’n ymwneud ag iechyd meddwl.

Mae ymgysylltu yn y celfyddydau a diwylliant yn cyfoethogi bywydau pobl. Rwy’n credu y dylai pawb gael y cyfle i gymryd rhan yn y profiadau hyn.

Rwyf hefyd yn artist gweledol. Ochr yn ochr â fy ngwaith gydag All In, byddaf yn cynllunio prosiectau gyda fy nghyfoedion stiwdio yn yfed yn ddamweiniol o jariau paent wrth weithio ar fy narn o waith diweddaraf.

Rwy’n arwain marchnata a chyfathrebu i All In, gan godi ymwybyddiaeth o’n gwaith pwysig trwy’r cyfryngau cymdeithasol, cynnwys digidol, cynadleddau a mwy. Mae fy nghefndir yn cwmpasu hysbysebu, marchnata a chydlynu digwyddiadau, gan gynnwys cyfnod ym maes radio!

Fel person trwm fy nghlyw sy’n defnyddio cymorth clyw, rwy’n deall y rhwystredigaeth o rwystrau mynediad. Rwy’n angerddol am drawsnewid mynediad i’r sector creadigol a diwylliannol i bobl fel fi, ond alla i ddim aros i brofi’r effaith ar lefel bersonol.

Y tu allan i All In, byddwch yn fy nghanfod yn ymweld â lleoliadau treftadaeth, yn gweithio ar fy nofel ffuglen gyntaf, ac yn tynnu llawer gormod o luniau o fy nghath.

Rwy’n gwneud y gwaith gweinyddol ar gyfer cyfarfodydd fel grwpiau cynghori All In, rwy’n cynllunio dyddiaduron aelodau o staff, yn helpu gyda phrosiectau untro, yn diweddaru cofnodion ac yn ateb ymholiadau.

Cyn hyn, rwyf wedi gweithio i wyliau a chwmnïau theatr, a dechreuais weithio yn Cyngor Celfyddydau Lloegr yn 2021. Cwblheais hyfforddiant ar y Model Cymdeithasol o Anabledd, Iaith Arwyddion Prydain, ac ymwybyddiaeth o awtistiaeth, a chefnogais lawer o artistiaid anabl gwych gyda chyllid, cyn ymuno â thîm All In.

Mae All In yn golygu llawer i mi, am fy mod yn niwrowahanol ac rwy’n profi rhai o’r rhwystrau y mae’r cynllun mynediad yn mynd i’r afael â nhw. Pan wyf yn mynd i theatr neu oriel, rwy’n elwa ar arwyddion clir a mannau tawel – dau beth y bydd All In yn helpu i’w datblygu.

Rwyf hefyd yn mwynhau mynd i siopau llyfrau yn aml, digwyddiadau LHDTC+, yn actio mewn dramâu lleol, neu’n obsesu dros Doctor Who.

Rwy’n arwain datblygiad technegol All In, yn gwneud yn siŵr ein bod yn defnyddio’r offer digidol cywir er mwyn hwyluso’r berthynas orau rhwng sefydliadau creadigol a diwylliannol a’u cwsmeriaid.

Fy nghefndir yw arbenigwr tocynnau a Rheoli Cysylltiadau Cwsmeriaid ac rwyf wedi gweithio gyda sefydliadau celfyddydol amrywiol ledled y DU a Gogledd America, yn eu helpu i wneud y defnydd gorau o’u platfformau tocynnau.

Gyda bron i ugain mlynedd o brofiad yn y sector, rwyf wedi helpu llawer o leoliadau unigol i weithredu gwelliannau mynediad at docynnau, felly pan ddaeth y cyfle i weithio ar All In, neidiais ar y cyfle i weithio ar y prosiect cenedlaethol pwysig hwn.

Fel Arbenigwr Mynediad i All In, rwy’n cefnogi sefydliadau sydd wedi tanysgrifio i greu amgylcheddau cynhwysol i ymwelwyr, artistiaid a gweithwyr. Rwy’n rhannu adnoddau a rhaglenni dysgu i’ch cefnogi ar eich taith i gyflawni Safonau All In. Fy maes arbenigol yw’r Amgylchedd Adeiledig.

Rwyf wedi bod yn gweithio ym maes anabledd a niwrowahaniaeth ers 2019, yn helpu sefydliadau i ddiddymu rhwystrau drwy arfer gorau.

Fel rhywun sydd wedi colli aelod o fy nghorff a cherddor, rwyf wedi teimlo’n siomedig yn aml pan fydd mynediad i artistiaid yn cael ei esgeuluso. Ac rwy’n gwybod o brofiad, pan fydd ceisio cynllunio diwrnod allan llawn hwyl yn golygu cymaint o ymdrech a straen, fel fy mod wedi penderfynu peidio â mynd. Rwyf hefyd yn ymwybodol o Covid (rwy’n parhau i wisgo mwgwd!) ac yn edrych ymlaen at godi disgwyliadau fel y gallwn ni i gyd gymryd rhan mewn profiadau diwylliannol.

Ar wahân i chwarae’r ffidil a mwynhau cerddoriaeth fwy, rwy’n mwynhau mynd ar fy meic wedi’i addasu mewn parciau a mwynhau natur.

Rwy’n rhan o’r Tîm Amrywiaeth yn Cyngor Celfyddydau Lloegr ac yn gweithio ar All In ychydig o ddiwrnodau’r wythnos, yn cefnogi prosiectau amrywiol i helpu’r cynllun i ffynnu.

Rwyf wedi gweithio i Cyngor Celfyddydau Lloegr am dros ddeng mlynedd ac wedi treulio llawer o’r cyfnod hwnnw yn datblygu prosesau ar gyfer rhaglenni grantiau. Cyn hynny roeddwn yn creu digwyddiadau celf trochol DIY ac roeddwn yn weithiwr ieuenctid y celfyddydau. Nawr rwy’n gweithio i hyrwyddo gwaith Cyngor Celfyddydau Lloegr ar gydraddoldeb, amrywiaeth a chynhwysiant. Rwy’n angerddol am amrywiaeth a mynediad, ac rwy’n gyffrous bod fy ngwaith yn golygu fy mod yn cael cefnogi’r sector creadigol a diwylliannol i fod yn fwy cynrychioliadol a pherthnasol i fwy o bobl. Y rhan orau o fy swydd yw gweithio gyda thîm mor wych.

Y tu allan i’r gwaith rwy’n mwynhau cymryd rhan mewn syrcas awyr, peintio ac ysgrifennu, a threulio amser yn yr ardd gyda fy nghrwban.

Fel rhan o fy ngwaith yn y Tîm Amrywiaeth yn Cyngor Celfyddydau Lloegr, rwy’n gweithio’n rhan amser ar All In. Yn ogystal â gofalu am ein Cyfeiriadur Cymorth Sector, rwy’n helpu i gydlynu’r cynllun peilot All In a gweithio gyda’n ‘peilotwyr’ gwych! Mae’n wych cael gweithio ochr yn ochr â thîm hyfryd o gydweithwyr ymroddedig sy’n teimlo’r un mor angerddol ag yr wyf fi am wella mynediad at y Celfyddydau a Diwylliant.

Rwyf wedi bod wrth fy modd â’r Celfyddydau ers yn ifanc, yn enwedig cerddoriaeth, ac rwy’n dod â phrofiad byw o niwrowahaniaeth a chyflyrau iechyd meddwl hirdymor i’n gwaith. Mae cenhadaeth All In yn agos iawn at fy nghalon!

Yn ogystal â’m cariad at gerddoriaeth (gwrando a chreu), byddwch yn fy nghanfod bob amser gydag o leiaf un prosiect crefft ar y gweill – ar hyn o bryd rwy’n gweithio ar flanced clytwaith, mosaig, a sanau wedi’u gwau!

Rwy’n Uwch Reolwr Prosiect i All In, yn gyfrifol am gadw popeth ar y trywydd cywir – ar amser, o fewn y gyllideb, ac i safon uchel.

Rwyf wedi gweithio yn y celfyddydau ers dros 40 o flynyddoedd, gyda ffocws ar iechyd meddwl ac anabledd dysgu. Rwyf wedi helpu i sefydlu nifer o sefydliadau celfyddydol wedi’u harwain gan anabledd, ac mae’n debyg fy mod yn fwyaf adnabyddus am fod yn gyd-sylfaenydd a chyn-gyfarwyddwr Artistig Mind the Gap.

Rydw i wedi byw gyda phryder ac iselder o bryd i’w gilydd ers i mi fod yn bedair ar ddeg oed. Mae wedi cymryd amser hir i mi deimlo’n gyfforddus yn siarad amdano – mae’r stigma yn real. Mae gen i edmygedd enfawr o artistiaid iau sy’n siarad yn agored am eu hiechyd meddwl; maen nhw’n helpu i newid y diwylliant er gwell.

Mae cynhwysiant yn bwysig i mi oherwydd dylai pawb gael y cyfle i gymryd rhan mewn celfyddydau a diwylliant. Mae pobl anabl yn arloeswyr naturiol – rydym bob amser yn dod o hyd i ffyrdd creadigol o wneud i bethau weithio. Mae gan y sector lawer i’w ddysgu gennym ni.