All In ar gyfer Pobl sydd â Gofynion Mynediad

Dylech chi gael profiad gwych o’r eiliad rydych chi’n penderfynu mynd allan i’r foment rydych chi’n cyrraedd adref. Ni ddylai gwneud y pethau rydych chi’n eu mwynhau gymryd amser neu fod yn rhwystredig, boed hynny’n noson allan yn y sinema, mynd i gyngerdd, ymweld ag amgueddfa, neu wylio ffrwd fyw o’r theatr.

Alt

Person â nam ar ei olwg mewn theatr fawr yn defnyddio ysbienddrych un-llygad i weld y llwyfan.

Close Image Description

Sut rydyn ni’n mynd ati i wneud hyn? Yn gyntaf, rydyn ni’n creu safonau hygyrchedd ledled y DU i helpu lleoliadau a threfnwyr digwyddiadau i ddeall sut beth yw mynediad gwell. Byddwn hefyd yn datblygu hyfforddiant o safon i’w helpu i gyrraedd y safonau hynny.

Rydyn ni hefyd am wella’r broses archebu er mwyn ei gwneud yn haws i chi rannu eich gofynion mynediad. Mae hynny’n golygu dim mwy o orfod disgwyl yn rhy hir ar y ffôn, manylion personol yn cael eu rhannu’n ddiddiwedd, neu boeni a yw rhywun wedi deall eich anghenion personol.

Fel tîm sy’n cael ei arwain gan bobl anabl, rydyn ni’n gwybod ei bod hi’n bwysig gwneud hyn yn iawn. Rydyn ni’n cymryd amser i brofi ein syniadau a siarad â phobl anabl eraill i gael gwybod beth yn union sydd ei angen ar ein cymuned i sicrhau bod All In yn llwyddiant.

Byddem wrth ein bodd yn rhoi’r wybodaeth ddiweddaraf i chi am ein cynnydd. I fod y cyntaf i glywed ein newyddion, llenwch y ffurflen isod a byddwn yn cadw mewn cysylltiad.

Os ydych chi’n ddeiliad cerdyn Hynt, byddwn yn rhyddhau rhagor o wybodaeth yn y flwyddyn newydd ynglŷn â sut bydd Hynt ac All In yn gweithio ochr yn ochr â’i gilydd. 

Rydyn ni yn gwneud cynnydd, ond byddai archwilio’r iaith rydyn ni’n ei defnyddio, y ffordd rydyn ni’n gweld pethau a chwestiynu’r ffordd mae pethau wastad wedi cael eu gwneud, yn ein gwthio tuag at gydraddoldeb go iawn.