All In agus Comhairle Ealain Shasainn gan ainmeachadh mar luchd-buannachaidh Duaisean Smart Disability

Tha na duaisean bhliadhnail aig Business Disability Forum a’ dèanamh fèill air obair bhuidhnean a bheir piseach air fèin-fhiosraichean luchd-obrach is luchd-cleachdaidh le ciorram.

Tha duais Solarachadh Ciallach do dhaoine le Ciorram, roinn ùr airson 2025, mar aithne air ar n-obair piseach a thoirt air cothroman is fèin-fhiosraichean dhaoine le ciorram tro chleachdaidhean solarachaidh in-ghabhaltach. Is iad daoine le ciorram a chruthaich All In do dhaoine le ciorram, agus bha e cudromach dòighean a lorg in-ghabhaltachd fighe a-steach ann an ìrean fìor thràth de sholarachadh a’ phròiseict, leithid obair còmhla ri luchd-comhairleachaidh le ciorram, conaltradh ri daoine le ciorram tro ar buidhnean comhairleachaidh, agus riaghailtean sònraichte a stèidheachadh do luchd-solarachaidh sealltainn ciamar a bheir iad fìor fhèin-fhiosraichean nan obair.

Fhad is a tha sinn a’ feitheamh air All In tòiseachadh san dàrna leth de 2025, is e a tha anns an duais seo ceum cudromach sa phròiseas.

Meal a naidheachd air a h-uile duine air a’ gheàrr-liosta!

“Chan eil anns an duais seo ach dìreach an toiseach de thuras a thathas an dòchas a bhios beòthail agus brìghmhor.”

Thuirt Tim Wheeler, Àrd-mhanaidsear Pròiseict aig All In: “Tha sinn fìor thoilichte an Duais airson Solarachaidh Ciallach fhaighinn aig Duaisean Disability Smart 2025. Tha sgioba All In, còmhla ri ar co-luchd-obrach solarachaidh aig Comhairle Ealain Shasainn, moiteil ruigsinneachd agus in-ghabhaltachd a chur aig meadhan ar n-obair.

“Tha sinn airson nan luachan sin fhighe a-steach bho fhìor thoiseach gach pròiseict. Tha seo gar cuideachadh atharrachadh maireannach a dhèanamh air feadh na buidhne gu lèir agus nochdaidh e cho cudromach is a tha luchd-solarachaidh a bheir àite do ghuthan agus fèin-fhiosraichean dhaoine le ciorram anns na nì iad. Tòisichidh All In san dàrna leth de 2025. Chan eil anns an duais seo ach dìreach an toiseach de thuras a thathas an dòchas a bhios beòthail agus brìghmhor.”

Thuirt Darren Henley, Àrd-oifigear, Comhairle Ealain Shasainn: “Thug All In ionnsachadh luachmhor do Chomhairle Ealain Shasainn a bheir sinn air adhart airson solarachadh san àm ri teachd. Le fìor fèin-fhiosraichean fhighe a-steach sa phròiseas solarachaidh, tha All In a’ nochdadh a rùn a bhi ga dhèanamh le daoine le ciorram do dhaoine le ciorram. Tha mi air leth toilichte don sgioba agus co-luchd-obrach Comhairle Ealain Shasainn, agus mi a’ coimhead air adhart feuch ciamar a bheir All In piseach air na dh’fhiosraicheas daoine le ciorram san roinn chruthachail is chultarach air feadh na RA is Èirinn.