All In airson na Roinne

Rannsaich Goireasan Roinn

Tha sinn airson taighean-cluiche, taighean-tasgaidh, leabharlannan agus buidhnean cruthachail is cultarail eile a chuideachadh gus ruigsinneachd a leasachadh, fàilte a chuir air luchd-tadhail ùr, agus frithealadh iomlan àrdachadh. Tha mòran bhuidhnean air feadh na RA ag obair gu cruiadh gus ruigsinneachd a leasachadh ach tha sinn den bheachd gun urrainn dhuinn barrachd a dhèanamh còmhla.

Alt

Boireannach geal a’ soidhnigeadh le eadar-theangair BSL aig oifis bogsa taigh-cluiche.

Close Image Description

Sin as coireach gu bheil sinn a’ bruidhinn ri buidhnean de gach cruth is meud gus dèanamh cinnteach gu bheil an sgeama againn ag aithneachadh deagh chleachdadh. Tha e cudromach gum bi an sgeama againn ag obair le sgeamaichean ruigsinneachd agus siostaman tiogaidean a tha ann an-dràsta.

Tha sinn ag amas ri:

• Inbhean ruigsinneachd air feadh na RA a thoirt a-steach don roinn chruthachail is chultarail gu lèir.
• Trèanadh, goireasan, agus taic a thabhann gus misneachd luchd-obrach àrdachadh agus buidhnean a chuideachadh gus na h-inbhean sin a choileanadh.
• Aon siostam didseatach a chruthachadh a leigeas le daoine le feumalachdan ruigsinneachd ìomhaigh a chruthachadh a ghabhas a roinn gu tèarainte tro chunntas All In na buidhne agad.
• Buidhnean curthachail is cultarail a cheangal ri solaraichean a chuidicheas tu gus na solarachadh ruigsinneachd agad a leasachadh.
• Sealladh agus dàta a thoirt dhut gus tuigse nas fhèarr a thoirt dhut air feumalachdan ruigsinneachd an luchd-èisteachd agad.

Tha mòran bhuidhnean ann a chuidicheas tu gus do ruigsinneachd a leasachadh an-dràsta. Thoir sùil air a’ phasgan thaic againn far am faigh thu luchd-comhairle, luchd-obrach neo-cheangailte agus buidhnean ruigsinneachd bho air feadh na RA.

Mas e neach le cairt Hynt a th’ annad, bidh sinn a’ cur tuilleadh fiosrachaidh a-mach sa bhliadhna ùr air mar a dh’obraicheas Hynt agus All In ri chèile. 

Thathar a’ leasachadh an sgeama an-dràsta le pìleat san amharc airson 2024. Ma tha thu airson fiosrachadh às ùr fhaighinn mun adhartas againn, lìon am foirm gu h-ìosal gus d’ ùidh a nochdadh.