All In do Dhaoine le Ciorram

Bu chòir sàr-fèin-fhiosrachaidhean a bhith agaibh bhon mhòmaid a chuireas sibh romhaibh a dhol a-mach gun àm a ruigeas sibh an taigh. Cha bu chòir dha a bhith sàrachail no slaodach a bhith an sàs anns na rudan a bheir tlachd dhuibh, ged a b’ e sin feasgar san taigh-dealbh, cuirm-chiùil, tadhal air taigh-tasgaidh, no coimhead ri sreath beò à taigh-cluiche.

Eile

Bidh neach le fradharc fann ann an taigh-cluiche mòr a’ cleachdadh monocular gus an àrd-ùrlar fhaicinn.

Dùin Eile

Agus ciamar a nì sinn seo? An toiseach, bheir sinn inbhean ruigsinneachd a-steach gus an aithnich buidhnean cò ris a tha ruigsinneachd nas fheàrr a’ coimhead. Bheir sinn taic do bhuidhnean sgilean a leasachadh a tha a dhìth orra gus coinneachadh ris na h-inbhean sin.

Tha sinn airson piseach a thoirt air tiocaidean a ghlèidheil gus am bi e nas fhasa dhuibh innse mu ur feumalachdan ruigsinneachd. Tha sin a’ ciallachadh nach bithear sìorraidheachd tuilleadh air am fòn, ag innse a-rithist agus a-rithist mu ghnothaichean pearsanta no a bhith fo uallach a bheil càch a’ tuigse na tha dhìth oirbh.

Nas fheàrr buileach. Bidh All In saor is an-asgaidh do dhaoine le ciorram.

Mar sgioba fo stiùir feadhainn le ciorram, tuigidh sinn cho cudromach is a tha e seo a dhèanamh ceart. Tha sinn a’ gabhail air ar socair ar beachdan fheuchainn agus bruidhinn ri daoine eile le ciorram feuch dè dìreach a tha a-dhìth air ar coimhearsnachd gus an soirbhich le All In.

Ma tha sibh sa Chuimrigh is cairt Hynt agaibh, chan fhada gus an innis sinn ciamar a dh’obraicheas Hynt agus All In còmhla ri chèile. Chan atharraich cail an-dràsta do ionadan is luchd-cleachdaidh Hynt.

Tha sinn a’ toirt a-steach All In do na taighean-cluiche, taighean-tasgaidh, gailearaidhean agus barrachd air feadh na RA agus Èirinn aig an àm seo. Tha sinn a’ gabhail air ar socair gus an urrainn dhuinn deuchainnean a dhèanamh agus fios air ais fhaighinn gus dèanamh cinnteach gum bi an sgeama cho math ‘s a ghabhas dhuibh.

Bu mhiann leinn fios a chumail ribh mar a tha a’ dol dhuinn. Airson naidheachdan fhaighinn bhuainn air thoiseach, lìonaibh am foirm gu h-ìosal agus cumaidh sinn fios dhuibh.

Luchdaich a-nuas tionndaidh Easy Read den duilleig seo gus barrachd a dh’ionnsachadh mu All In.