Gwybodaeth am All In

Archwiliwch All In

Dyna pam ein bod yn datblygu cynllun mynediad ledled y DU dan arweiniad Cyngor Celfyddydau Lloegr, ac mewn partneriaeth â Chyngor Celfyddydau Gogledd Iwerddon, Cyngor Celfyddydau Cymru, a Creative Scotland.

Rydyn ni wedi ymrwymo i wella profiad pobl F/fyddar, anabl a niwroamrywiol wrth fynychu digwyddiadau diwylliannol a chreadigol. Fel tîm sy’n cael ei arwain gan bobl anabl, rydyn ni’n sicrhau bod profiadau uniongyrchol a gwybodaeth y diwydiant am fynediad a chynhwysiant yn cael eu cynnwys ym mhob cam o’r datblygiad.

Mae All In yn cydnabod gwaith pwysig Hynt, y cynllun mynediad ar gyfer y celfyddydau a theatr yng Nghymru, sydd wedi cyfrannu at ddatblygu cynllun ar gyfer y DU gyfan. Rydyn ni hefyd wedi cynnal astudiaethau, ymchwil a grwpiau ffocws i ddeall anghenion pobl anabl ac elfennau ymarferol y sector yn well. Rydyn ni’n mynd ati’n rheolaidd i gynnwys grwpiau cynghori sy’n canolbwyntio ar y sector a phobl anabl yn ein prosesau o wneud penderfyniadau. Byddwn yn parhau i weithio’n agos gyda phobl anabl a sefydliadau o bob maint i sicrhau ein bod yn creu cynllun sy’n croesawu pawb.

Mae’r cynllun yn cael ei hyrwyddo gan Andrew Miller MBE, ymgynghorydd a sylwebydd diwylliannol sydd ar hyn o bryd ymhlith y 10 uchaf ar restr Disability Power Ymddiriedolaeth Shaw.

I gael rhagor o wybodaeth am yr hyn rydyn ni wedi’i gynllunio ar gyfer All In a sut gall y cynllun fod o fudd i chi, dewiswch un o’r opsiynau isod.