Fo-sgrìobhadh All In
Rannsaich Goireasan Roinn
Dèanaibh deiseil airson All In le ro-shealladh air na h-ìrean ballrachd bhliadhnail againn airson na RA.
Chaidh na prìsean againn a dhealbhadh airson buidhnean cruthachail is cultarail de gach meud is seòrsa. Bidh dà sheòrsa fho-sgrìobhadh ann, gach seòrsa dhiubh loma-làn de dh’fheartan a chuidicheas sibh gus am bi sibh nas ruigsinniche agus gus an cuir sibh fàilte air barrachd dhaoine air a bheil ciorram.
All In Essentials
Tha seo do bhuidhnean a tha airson cur ri an cuid eòlais air ruigsinneachd agus a tha airson cothrom-inntrigidh nas fheàrr a thoirt dhan luchd-cleachdaidh aca, ach nach bi a’ cleachdadh siostam clàrachaidh thiocaidean.
All In Plus
Do bhuidhnean a tha airson piseach a thoirt air na pròiseasan clàrachaidh thiocaidean aca, ga dhèanamh nas fhasa do chustamairean air a bheil ciorram na feumalachdan ruigsinneachd aca innse agus tiogaidean a cheannach.
Tha All In air tòiseachadh air Cunntasan Blasaid a chur air dòigh airson buidhnean stèidhichte ann an Sasainn. Airson am fiosrachadh as ùire mu sgaoileadh a-mach a’ phrògraim, nochd an ùidh agaibh ann an All In.
Phasgan
| All In Essentials | All In Plus | |
|---|---|---|
| Cruthaichibh pròifil de na h-ullachaidhean ruigsinneachd agaibh | ||
| Taic gus gabhail ri bun-inbhean ruigsinneachd | ||
| Gabhaibh pàirt sa phrògram leasachadh sgilean againn | ||
| Faighibh taic aghaidh-ri-aghaidh air ruigsinneachd bho eòlaichean | ||
| Cuiribh làraichean is tachartasan ris na liostaichean againn | ||
| Faighibh fios mu fheumalachdan ruigsinneachd nan custamairean agaibh tron t-siostam ruigsinneachd againn | ||
| Tomhaisibh an t-adhartas agaibh tro mhion-sgrùdadh air dàta |
Prìsean
| All In Essentials | All In Plus | |
|---|---|---|
| Tionndadh-airgid | Fo-sgrìobhadh Bliadhnail san RA (Chan eil gin de na prìsean a’ gabhail a-staigh VAT) | |
| Tionndadh-airgid suas ri £500,000 | £200 | £250 |
| £500,000 gu £1 millean | £300 | £400 |
| £1 millean gu £2 millean | £550 | £750 |
| £2 millean gu £5 millean | £1,100 | £1,500 |
| £5 millean gu £10 millean | £2,750 | £3,750 |
| £10 millean agus barrachd | £5,500 | £7,500 |
| Fo-sgrìobhadh buidhne | £250 a bharrachd gach làrach | £250 a bharrachd gach làrach |
Ceistean Cumanta
Ciamar a bhios All In a’ mìneachadh tionndadh-airgid?
Tha fo-sgrìobhaidhean stèidhichte air tionndaidh-airgid na buidhne. Tha seo air a mhìneachadh mar am figear airson tionndadh-airgid teachd a-steach ann an cunntasan na companaidh agus gach fo-chompanaidh, far a bheil gnìomhan co-cheangailte ris a’ phrìomh ghnìomhachas ealain.
Bhiodh fo-chompanaidhean a’ gabhail a-steach, ach chan ann a-mhàin, solar bìdh na làraich fhèin no bùtha no ionad malairt. Bu chòir dhan fhigear a bhith a’ gabhail a-steach tionndadh-airgid iomlan oifis nan tiocaidean, gun a bhith a’ gabhail a-steach VAT, agus an teachd a-steach lom bhon ghnìomhachd taic is malairt uile, a’ gabhail a-steach solar bìdh is bàr no teachd a-steach a tha air a shealltainn ann an cunntasan na companaidh a fhuaireadh bho ghnìomhachd fo cheadachasan.
Dè thachras ma bhios barrachd air aon làrach aig a’ bhuidhinn agam?
Bidh am fo-sgrìobhadh bunaiteach agaibh airson aon làraich. Ma tha còrr is aon làrach agaibh, is urrainn dhuibh àrdachadh gu Fo-sgrìobhadh Buidhne. Is urrainn dhuibh co-dhùnadh cia mheud àite a tha sibh airson cur ris an fho-sgrìobhadh.
Ciamar a tha All In a’ mìneachadh ‘làrach’?
Tha làraichean air am mìneachadh mar àiteachan leis an t-seòladh agus ullachaidhean ruigsinneachd aca fhèin, le feum aca air pròifeil ruigsinneachd dhaibh fhèin. Ma tha sibh a’ ruith grunn làraichean taobh a-staigh an aon togalaich, thathar fhathast a’ meas seo mar aon làrach. Ma tha grunn diofar àiteachan agaibh ann am baile, bhiodh agaibh ri àrdachadh gu Fo-sgrìobhadh Buidhne.
An urrainn dhomh gluasad gu All In Plus nas fhaide air adhart?
‘S urrainn. Is urrainn dhuibh gluasad eadar fo-sgrìobhaidhean nas fhaide air adhart.
Cuin as urrainn dhan bhuidhinn agam fo-sgrìobhadh a ghabhail ann an All In?
Tòisichidh fo-sgrìobhaidhean nas fhaide air adhart ann an 2026. Roimhe sin, bheir sinn ro-shealladh do bhuidhnean air na comasan a bhios aig All In, le cothrom cunntas ro-sheallaidh an-asgaidh a chruthachadh, le feartan cuibhrichte.
Am bi All In an-asgaidh airson nan custamairean againn air a bheil ciorram?
Bidh. Bidh All In an-asgaidh airson daoine air a bheil ciorram. Tha sinn gu mòr airson a bhith a’ lùghdachadh nan cnapan-starra ionmhasail a tha a’ cur casg air daoine air a bheil ciorram bho bhith a’ faighinn tlachd à cruthachalachd agus cultar.
A bheil na prìsean seo an sàs ann an Èirinn?
Chan eil. Seo na prìsean airson fo-sgrìobaidhean san RA a-mhàin. Dearbhaidh sinn na na prìsean a bhios ann airson Èirinn fhathast.
Ciamar a dh’fhaodadh All In a bhith ag obrachadh ann an dòigh eadar-dhealaichte anns gach dùthaich?
Tha All In ga leasachadh aig an àm seo agus bidh e air a dhealbhadh a rèir riatanasan gach dùthcha gus a bhith a rèir, agus ag atharrachadh a rèir, feumalachdan sònraichte gach dùthcha. Tha diofar dhùthchannan aig diofar ìrean den turas leasachaidh agus ag obair aig astaran eadar-dhealaichte. Thèid barrachd fiosrachaidh a cho-roinn an ceann ùine fhad ‘s a bhios All In a’ gluasad a dh’ionnsaigh sgaoileadh a-mach air feadh na RA agus Èirinn.
Dè tha All In a’ ciallachadh airson àm ri teachd Hynt?
Tha sinn ag obair gu dlùth le sgioba Hynt agus ar com-pàirtichean aig Comhairle Ealain na Cuimrigh Chan fhada gus an innis sinn naidheachd a thaobh ciamar a dh’obraicheas Hynt agus an sgeama ruigsinneachd ùr còmhla ri chèile. Chan atharraich cail an-dràsta do ionadan is luchd-cleachdaidh Hynt.