Tha All in a’ fastadh People Collective, aig The Card Network gus taic sònraichte a lìbhrigeadh do bhuill air a bheil ciorram

Bheir an deasg-cuideachaidh againn taic chàirdeil seachad far am bi an neach fhèin aig a’ chridhe, tro iomadh diofar seanail, nam measg fòn, post-d, cabadaich beò, coinneamhan air-loidhne (le cothrom air eadar-theangachadh BSL), agus tron phost. Faodaidh buill an dòigh conaltradh a thaghadh a tha ag obair as fheàrr dhaibh, gun a bhith gam putadh a dh’ionnsaigh sligean didseatach a-mhàin no slighean fèin-obrachail.

Tha còrr is 20 bliadhna de dh’eòlas aig The Card Network ann a bhith a’ lìbhrigeadh taic luchd-cleachdaidh ruigsinneach airson sgeamaichean ciorraim nàiseanta, a’ gabhail a-steach Sgeama Cairtean CEA nàiseanta, agus Hynt, an sgeama ruigsinneachd Cuimreach air a bheil All In a’ togail. Chaidh People Connective a chur air bhog ann an 2025 gus fòcas a chur gu sònraichte air seirbheisean ballrachd a tha in-ghabhalach agus ruigsinneach.

Tha All In ga chur air bhog mean air mhean, an toiseach le Cunntasan Blasaid do bhuidhnean stèidhichte ann an Sasainn san t-Sultain 2025. Tòisichidh an sgeama air fàilte a chur air buill air a bheil ciorram nas fhaide air adhart ann an 2026 mar phàirt den sgaoileadh a-mach mu dheireadh ann an Sasainn. Tha All In gu bhith a’ gabhail ri fo-sgrìobhaidhean bhon roinn tràth ann an 2026, nuair a thèid All In Essentials a chur air bhog.

“Le bhith a’ fastadh People Connective, bidh tuigse, sùbailteachd agus neach beò ann gus taic a chumail ris na buill againn air a bheil ciorram.”

Thuirt Kelly Parish, Àrd-mhanaidsear, Iomadachd, Comhairle Ealain Shasainn:

“Tha fios againn, do mhòran dhaoine le ciorram, gu bheil na cnapan-starra as motha a’ nochdadh aig a’ chiad phuing conaltraidh. Sin as adhbhar gu bheil sinn airson roghainn a thoirt do na buill againn le ciorram air mar a tha iad airson fios a chur thugainn. Le bhith a’ fastadh People Connective, bidh tuigse, sùbailteachd agus neach beò ann gus taic a chumail ris na buill againn air a bheil ciorram. Tha an com-pàirteachas seo a’ nochdadh ar dealais a bhith a’ cur daoine air a bheil ciorram aig cridhe obair All In.”

Thuirt Sue Woodcock, Stiùiriche Coimeirsealta The Card Network:

“Tha sinn air leth toilichte a bhith ag obair còmhla ri All In gus na seirbheisean deasg-chuideachaidh aca a thoirt seachad le fòcas air na buill aca, agus gum bi sinn ag obair còmhla ri Comhairle Ealain Shasainn bhon fhìor thoiseach gus fuasgladh ruigsinneach a chruthachadh.

Tha bliadhnaichean de dh’eòlas againn air a bhith a’ toirt taic do, agus a’ riaghladh, sgeamaichean airson daoine B/bodhar, air a bheil ciorram no a tha niùro-iomadach, a’ gabhail a-steach sgeama ruigsinneachd soirbheachail Hynt a bhios ag obair le taighean-cluiche agus ionadan ealain anns a’ Chuimrigh agus a tha air buaidh fìor bhrìoghmhor a thoirt air a bhuill. Tha sinn a’ coimhead air adhart ri bhith a’ togail air an eòlas sin agus sinn ag obair còmhla ri All In.”